رجيم يوم لك ويوم عليك اكيد سمعنا عنه وعن تجربة الطامح للرشاقة فيه ..وفيه وحدة نحفت عليه 17 كيلو في 40 يوم
وحدة ثانية 10 كيلو في شهر

وبس وقفت التجارب ما احد تجرأ يسويه
الكل خاف يزيد وزنه لان النظام غريب ...

النظام يقول يوم فلـــه كلي اللي خاطرك فيه من معجنات -مقليات -بساكيت ...الخ
ويوم اكلك دايت رجيم اكل فقيرة ..

طبعاً انا واعوذ بالله من كلمة انا قلت رح اجربه ورح اثبت للناس كلها اذا هو صح او خطأ

وفعلا بديت فيه ..وخلصت اسبوعين واسمعوا حكايتي من اولها الى اخرها ..

السبت كان يوم علي افطرت توست بر محمص و بياله عصير فيها سكر مب دايت

وتغذيت سلطة

وتعشيت فاكهه

يوم الاحد طبعاً يوم لي يمي يمي يمي افطرت كل اللي خاطري فيه شوكالاته ..شبيس ..ومعجنات وببسي وطلبت من المطعم هبمرجر وبطاطس مقلي وكاتشب و العشاء حليب جالكسي اللي 3 ريال او سوي موكا بارد ..رح تحسين بسعادة في هذاك اليوم وناااااسة >>>> مربوطة السعادة بالاكل خخخخخخ ..

الاثنين يوم علي كنت فقيرة افطرت 7تمرات وقهوة
وتغديت مرق خضار صحن متوسط ...
وتعشيت شاي و3 قطع اقط

الثلاثاء يوم لي وناااااااااااسة اكل نفس الاول بس زدت عليه ايسكريم يمي يمي ..

وهكذا يعني يوم خليك فقيرة اكلك اكل رجيم بسيط
ويوم كلي كل اللي خاطرك فيه

بس انتبهي اللي تأكلينه في الفلة غير اللي تأكلينه في الرجيم ..فهمتوا ..


والله العظيم والله على مااقول شهيد يوم خلصت اسبوع وزنت نفسي لقيت ناقصة 3 كيلووو

ولو فكرتوا فيها اصلا ماسويت رجيم الا 4 ايام بس
و3 كانت فله ..

يعني بإختصار العبي على جسمك ...علشان يزيد الحرق عنده ..مب تثبتين على رجيم واحد شهر ..الجسم ذكي يحفظ انتي وش تاكلين ..

قمت الله يصلحني نفخت نفسي شوي ..وبديت اتهاون في الاسبوع الثاني صار مافي فرق عندي بين يوم الفله ويوم الرجيم ..وتركت المشي ربع ساعه ..وللاسف الاسبوع الثاني بس نحفت 1 كيلو ...

رجيم يوم لك يوم عليك اروع رجيم اروع نظام ..الى الحين ادعي للطامح للرشاقة ..انا فترتي قصيرة بس سجلت انجاااااااااز اسبوع = 3 كيلو
وانا كنت اسوي رجيم شهر انحف بس 5 كيلو ..شفتوا الفرق ..

لاتنسين المشي بس ربع ساعه ..والله بسيطة جدا ..او ارقصي رقص استهبال ..ربع ساعه بس ياويلك تكثرين لاني ادري لو كثرتي يمكن تهونين ..

يابنات والله حبيت انكم تستفيدون من تجربتي ..
وتخيلوا كل اسبوع 3 كيلو كم في الشهر ...بتصيرين ..12 كيلو اتحداك ماتفرحين فيها ..
و الفله لا تخافين منها كلما زدتي فله كلما كان احسن ..تلعبين على شحووومك واكبر دليل على كلامي اذا خلصتي يوم الفقير ماتنحفين ..بس اذا انتهى يوم الفله تنحفين كيلو ..ورح تشوفونه بعيووونكم ..

واللي يقول ماينحف ..بس احب اقوله فيه نااااس بس حذفت وجبة العشاااا ونحفوا في الشهر 3 الى 4 كيلو واهي كل يوم فاله الفطور ..والغذاء ...

اتمنى اسعد اي انسانه دبة في هالدنيا ..مثل ماانا سرت سعيدة .ورح اكمل المشوار ..وانزل 20 كيلو عن طريق هذا النظام ..يكفي ان بشرتك تصير جنآآآآن وشعرك مايطيح ..

اي سؤال انا جااااهزة ..
تذكري ياتطبقينه صح او اتركيه ..
يصلح للناس اللي ماتحب الريجيمات ..ودائما تخرب
استمري اسبوعين ورح يبين عليك الفرق ..
اذا كان عندك مناسبة او تتجمعون في يوم معين ..رتبي جدولك على اساس يكون فله ..
انا سعيدة ان في رجيم بهالدنيا بهالروووووعه ..
رح تدعووون لي ..
مع السلامة